قبل ان تضع اى سؤال عن اى كارت شاشة ادخل هنا

اخوانى اعضاء المتندى .. ازيكم

الفترة اللى فاتت موضوع :
شهد كمية اسألة لا حصر لها ولكن المشكلة ان معظمها متشابة واظن ان الموضوع عبارة عن موسوعة تحوى الكثير من المعلومات عن الهاردوير .. واعلم ان معظمنا بيكسل انة يقرا 90 صفحة . علشان كدة انا فكرت فى الموضوع دا .. هجمع اكتر الاسألة اللى بتهمنا عن القطع .. يعنى اكثر الاسئلة اللى بتيجى عن كروت الشاشة ..
وايضا مناقشة حول اشهر كروت الشاشة فى المنطقة العربية .

اكثر الاسئلة التى وردت على كروت الشاشة




اية هى افضل شركات تصنيع الكروت ؟

السؤال دا جة اكتر من مرة بصور مختلفة .. دلوقتى احنا عندنا عملاقين هما Nvidia و Ati والشركتين هما الاهم والاكبر .. لكن مين يكسب مين او مين اللى لية الاسبقية على الاخر ؟ دا سؤال صعب جدا اجابتة فى سطور معدودة . كل شركة من الاتنين احيانا يتفوق على التانى وكل شركة ليها كارت بتعتبرة ال SUPER بتاع السنة وانها سحقت التانية بالكارت دا لحد ما الشركة المنافسة تنزل بالكارت بتاعها ..
المهم المعادلات الجاية تفهمك مين افضل حاليا :
شركة Nvidia = تسويق جيد +دعاية جبارة+سعر عالى+اتفاقيات مع معظم شركات الالعاب + اداء عادى .

شركة Ati =اداء قوى جدا +الافضل بالنسبة للسعر +دعاية ضعيفة+تبحث عن بديل لخاصية الفيزيكس.


اظن المعادلات سهلة ومفهومة .. كل الحكاية ان nVidia عندها اسطول كامل مسخر لعقد اتفاقيات مع شركات الالعاب علشان تعمل العاب حصرية لكروتها الجديدة وكمان انتاجها غزير جدا(اذا ما قورنت بكروت ati) ولكن للاسف كروتها غالية وادائة لا يتساوى مع سعرها .



هيتم تقسم الاسئلة بنائا على الميزانيات المرصودة

اولا: بالنسبة لاصحاب الميزانيات الضعيفة .

الاسئلة التى وردت عن كارت 8500gt ؟




بالنسبة لاصحاب الميزانيات الضعيفة يعتبر الكارت مثالى لانة هيشغلك العاب معظم العاب 2008 بأداء متوسط ولو كان عندك بروسيسور C2D قوى ورامات 2 جيجا فالكارت هيشغلك العاب 2008 وما قبلها بأداء جيد جدا .ويعتبر من مميزات الكارت انة بيدعم خاصية الفيزيكس وشريدر 4 وكمان سعرة الرخيص .

اخر تمن للكارت 350 فى شارع جامعة الدول .
من شركة جيجا بايت فى السخاوى ب 360 جنية .

الاسئلة التى وردت عن كارت ATI HD 2600 ؟



الكارت يعتبر ادائة جيد بالنسبة لسعرة ودا لان سعرة لا يتجاوز الـ 60$ والكارت لة نفس مواصفات كارت 8500 ولكن الثانى يتفوق علية فى الفيزيكس وايضا يعتبر ال dx10 كارت 8500 افضل .
الكارت يحتاج برسيسور جيد جدا ورامت 2 جيجا علشان يشغل العاب 2008 .
ولا تحتاج كروت هذة الفئة الى باور عالى او طاقة كبير يعنى كارت 8500 يعمل على باور 250 اصلى وكذلك معظم كروت هذة الفئة .

اخر سعر من شركة PowerColor ب 300 جنية .

الاسئلة التى وردت عن كارت ATI HD 3650؟



اعتبر هذا الكارت هو افضل كارت لاصحاب الميزانيات الضعيفة حيث ان سعر الكارت 70$ وايضا الاداء والحراة والثبات افضل من الكارتين السابق ذكرهم . وايضا لا يحتاج الى باور عالى لذلك يعتبر افضل هذة الكروت والثفقة الرابحة لاصحاب الميزانيات المنخفضة .

اخر سعر للكارت 360 جنية فى السخاوى .



ثانيا: بالنسبة لاصحاب الميزانيات المتوسطة.
الاسئلة التى وردت على كارت 9500 GT ؟




الكارت دا ورد علية اسألة كتير جدا بسبب اولا سعرة الرخيص وثانيا ان ال vram بتاعة عالى ودا مصدر جذب للـ gamers . بس نواة العمل بتاعة للاسف 128 bit يعنى تعبر ضعيفة نسبيا .
الكارت ممكن نوصفة بانة نقطة تحول بالنسبة لانفيديا لان الكارت دا فعلا ادائة قوى وسعرة بالنسبة لادائة كويس جدا .. (ثفقة جيدة) . ولكن الكارت لن يصمد طويلا امام القادم بسبب الشريحة اللى تم بناء الكارت عليها لانها تعتبر ضعيفة نسبيا والمفاجأة اللى اغلب الاعضاء لايعرفوها ان كارت 9500 لة نفس الخصائص التكوينية لكارت 9600 ولكن نواة العمل بس هى اللى مختلفة فقط حيث ان 9600 يعنى على 256 bit.

ملاحظة: +الكارت نحتاح بروسيسور قوى يسندة ورامات عالية علشان يقدر يوصل لاعلى اداء لية.
+الكارت لا يحتاج باور عالى .. فقط باور 300 او 350 ولكن لابد انة يكون اصلى.
+الكارت درجة حرارتة عالية .

الخلاصة : الكارت ادئة معقول جدا وكارت جيد لعشاق nvidia .

اخر سعر للكارت بالنسبة للنسخة 512 ب 450 جنية .
النسخة 1 جيجا ب 540 جنية .

الاسئلة التى وردت عن كارت Ati 4650 &4670 ?




اكثر الكروت التى وردت عنها اسألة فى الموضوع كانت عن كارتين Ati 4650 &4670 السبب هو اسعارهم اللى تعتبر مثالية . لو بدأنا كلام عن Ati 4650 هنلاقى انة كارت قوى وادائة مشابة لكارت 9500 GT ولكن كارت Ati 4650 يتفوق فى درجة حراتة المثالية وادائة الثابت ولكن للاسف الحلو ميكملش لان كارت 9500 يدعم خاصية الفيزيكس وكروت ati كلها لا تدعم الخاصية .
بالنسبة لكارت 4670 اعتبرة من افضل الكروت التى تم انتاجها فى 2008 على الرغم انة مش من كروت الدرجة الاولى ولكنة جمع بين سعر بسيط وادائة اعتبرة خارق خاصة فى النسخة 1 جيجا التى لم يتجاوز تمنها الـ 130 $ يعنى ثفقة قوية جدا والكارت مثالى لالعاب 2008 ومع العاب 2009 اللى صدرت حتى الان الكارت صامد بقوة .

ملاحظة :+الكارتين فى حاجة لبروسيسور متوسط لتشغيل العاب 2008 وما قبلها وبروسيسور قوى ليتماشى مع متطلبات العاب 2009 .
+الكارتين من الكروت الموفرة للطاقة .. يعنى باور 350 كفاية بالنسبة لـ4650
وبالنسبة لـ 4670 باور 350 او 400 كافى جدا .
+درجة حراة مظبوطة جدا ومناسب للاماكن الحارة مثل السعودية .

سعر كارت 4650 حاليا 430 جنية .
سعر كارت 4670 نسخة 512 ب 540 جنية .
النسخة ا جيجا بتبدا من 620 وحتى 650 .



ثالثا: بالنسبة لاصحاب الميزانيات العالية.
الاسئلة التى وردت عن كارت 9600 ؟


الكارت يعتبر الحد الفاصل بين الميزانيات المتوسطة والميزانية العالية حيث ان ثمن الكارت لا يتجاوز ال 200 $ . الكارت ثابت حتى الان مع العاب 2009 واظنة يصمد لعامين قادمين بدون مشاكل ولكن كما سبق وذكرنا فالكارت مبنى على نفسة شريحة 9500 ولكن الاختلاف فى نواة العمل .. علشان كدة بعتبر الكارت عبارة عن اعادة تصنيع لكارت 9500 فى ثوب جديد لرفع السعر على الفاضى ولكن الكارت النواة التى يعمل عليها قوية وهى نفسها التى يعمل عليها كارت 8800 ومن هنا استمد الكارت قوتة .

ملاحظة: +الكارت بما انة بيعمل على نواة قوية فبالتالى احتياجة للطاقة كبير وهنا تظهر مشاكل الكارت دا لانة بيحتاج باور 450 اصلى .
+الحرارة فى بداية التشغيل مثالية .. بعد العمل تحت الضغط درجة الحرارة بتكون عالية جدا (معظم كروت انفيديا بها نفس المشكلة) .

اقصى سعر للكارت 980 جنية .
اقل سعر موجود من شركة ECS ب 920 جنية .

الاسئلة التى وردت عن كارت 4850 ؟


الكارت الاقوى فى كل الكروت التى تم ذكرها فى الموضوع حتى الان .. مشكلة الكارت الوحيد هى خاصية الفيزيكس (انا لا اعتبرها مشكلة على الاطلاق ولنا حديث عن خاصية الفيزيكس فيما بعد) .ولكن اذا ما قارنا بين كارت 4850 وكارت 9600 النتيجة فى صالح 4850 واسباب الفوز هتكون كالتالى ... حرارة ممتازة وبالتالى اداء ثابت طول فترة العمل . بالنسبة لسعر الكارت فهو مقارب لسعر 9600 او ارخص بمبلغ بسيط .

اسعر الكارت حاليا 950 جنية .
شركة PowerColor ب 920 جنية .
شركة Sapphire ب 1000 جنية .



رابعا: لاصحاب الميزانيات الجبارة.
الاسئلة التى وردت عن كارت gt9800 & gtx9800؟


كارتين من الفئة الاولى ومن افضل انتاجات انفيديا لعام 2009 .. الكارتين لا يوجد اختلاف كبير فى الاداء فيما بينهم ولكن كعادة nvidia تعيد انتاج الكارت ولكن مع اضافات بسيطة وذلك لرفع ثمن الكارت . الكارتين يضمنوا اذاء ثابت فى جميع الالعاب التى صدرت حتى الان والكارتين من الكروت القائمة بذاتها يعنى سواء كان البروسيسور قوى او ضعيف فالكارتين سيظهر ادئهم (بس مش معنى كدة انك تركب كارت من دول على بروسيسور سيليرون مثلا ).

ملحوظة : +كارتين مستهلكين للطاقة بشكل كبير وتحتاح باور 450 للكارتالاول وللثاننى 500 وات ودا اقل تقدير للكارتين .
+كارت 9800gt درجة حرارتة عالية ولكنة مصمم لتحمل هذة الدرجات العالية .على عكس كارت gtx9800 درجة حرارتة غالبا منظمة ولا ترتفع الا بعد عمل لفترات طويلة جدا مع ضغط شديد .

كارت 9800 GT اخر سعر (سمعتة) 1150 جنية .
كارت 9800 GTX ب 1350 جنية .
مقارنة بين كارت 4850 وكارت 9800 GTX ..




واضح طبعا تفوق 4850 على الرقم انة ارخص بحوالى 400 جنية تقريبا .!!!

الاسئلة التى وردت عن كارت 4870 ؟



دا اقوى كارت فى كل الكروت اللى موجودة فى الموضوع ..مشكلة الكرت الوحيدة هو سعرة الغالى جدا ودا لان ثمن الكارت يتجاوز ال 350 $ ولكن شركة ati بتوعد اصحاب الكارت دا بثلاث سنوات على الاقل بدون اى مشاكل مع اى لعبة واعتقد ان فعلا الكارت قادر على ضمان العاب بدون مشاكل ولفترة طويلة جدا ولكن الكارت لا يصلح الا لاصحاب الميزانيات الجبارة لان الى جانب سعر الكارت المرتفع فانك هتحتاج باور 600 وات دا تمنة لوحدة يتجاور الـ 120 $ يعنى الكارت يعتبر مكلف جدا .

اخر سعر 1750 جنية .. ومش هتلاقية غير فى السخاوى .